由2024年9月27日起，大家終於可以用電子支付形式係天星小輪過閘機啦！今日天星小輪推出咗新系統，由而家開始，大家就可以以電子形式過閘。當中VISA、Mastercard、JCB、American Express、UnionPay、微信支付(付款碼)、雲閃付(付款碼)QR code等等嘅支付形式都接受，相信為大家都帶嚟一定嘅方便，起碼冇帶八達通都仲可以用信用卡同電子形式俾錢先啦！但留意返暫時電子支付形式俾錢拎唔到「公共交通費用補貼」或長者及合資格殘疾人士$2乘車優惠。
天星小輪電子支付常見問題FAQs
天星小輪接受邊種電子支付形式？
- 不同的購票及支付點接受的電子支付形式如下列表。
閘機
感應式支付(Paywave)
VISA、Mastercard、JCB、American Express、UnionPay
Diners Club(人工閘口)、Discover(人工閘口)
二維碼支付 (QR Code)
微信支付(付款碼)、雲閃付(付款碼)
*AlipayHK易乘碼(人工閘口)、*AlipayCN乘車碼 (人工閘口)
*乘客需要將出行地區設定為香港
自助售票機
感應式支付(Paywave)
VISA、Mastercard、JCB、American Express、UnionPay、Diners Club、Discover
二維碼支付 (QR Code)
微信支付(付款碼)、支付寶(付款碼)、雲閃付(付款碼)
我可唔可以用電子支付形式幫埋其他人俾錢？
- 可以，但喺用同一張八達通卡就要隔5分鐘先可以再俾錢，唔想等嘅就可以用返唔同信用卡或者二維碼幫其他人俾錢。
用電子支付形式俾錢可唔可以拎到「公共交通費用補貼」或長者及合資格殘疾人士$2乘車優惠？
- 不可以，因為政府的有關計劃仲未支援電子支付系統，如果想拎到以上優惠同補貼，就要用返八達通俾錢啦！